admin

မလွတ်မြောက်ခြင်း မှတ်တမ်း (၂၀ ရက်နေ့)

မနေ့ကထက် ဒီနေ့ ပိုဆိုးလာတယ်။ မန္တလေး ကမ်းနားလမ်းဘက်မှာ အကြမ်းဖက် ဖြိုခွဲ၊ကျည်အစစ်နဲ့ ပစ်တာကြောင့် လူ(၂) ဦး သေဆုံးတယ်လို့ Media Page တွေကနေ ဖတ်ရတယ်။ ယုတ်မာမှုတွေကို ဘယ်လက်နက်နဲ့ တားဆီးကြမလဲ။ ကျနော်တို့တတွေရော ဘယ်လိုနည်းနဲ့ တုန့်ပြန်ကြမလဲ။ အခုချိန် မဟတ္တမ ဂန္ဒီကိုပဲ ကိုးကွယ်ရမလား။ ချေဂွေဗားရားကိုပဲ ခေါင်းဆောင်တင်ရမလား။ ဒေတာ ဒီနေ့ မြန်မာ့သမိုင်းမှာ အကြီးမားဆုံး Data Leak လို့ ပြောနိုင်တဲ့ ကိစ္စ ဖြစ်တယ်။ DICA,MYCO က စာရွက်စာတမ်းတွေ လိုင်းပေါ် ရောက်လာတယ်။ ဖိုင်ဆိုဒ် 330GB လောက်ရှိမယ်။ DDoSecrets ဆိုတဲ့ အဖွဲ့ကနေ စတင်ဖြန့်တာ။ Link ။ ပြည်တွင်းမှာတော့ Justice for Myanmar ဆိုတဲ့ Facebook Page ကနေ စပြန့်တယ်။ ပတ်ဝန်းကျင် ဒီနေ့ အသက်ဆုံးရှုံးမှုတွေ ရှိတော့ ည(၈) နာရီ အပီးမှာ မတိုင်ပင်ပဲ အိမ်နီးနားချင်းတိုက်တွေနဲ့ ကြွေးကြော်သံတွေ အော်ကြတယ်။ စစ်အာဏာရှင် ကျဆုံးရေး – တို့အရေး တို့အရေးစစ်ကောင်စီအဖွဲ့ အလိုမရှိ – အလိုမရှိ အလိုမရှိလမ်းမပေါ်မှာ ပြည်သူတွေသေပီခဗျားတို့က ရုံးတက်တုန်းလားရုံးမတက်နဲ့ ၊ ရုန်းထွက် …..

မလွတ်မြောက်ခြင်း မှတ်တမ်း (၁၉ ရက်နေ့)

၂၀၂၁၊ဖေဖော်ဝါရီ(၁)ရက်နေ့ ဗမာစစ်တပ်က အာဏာသိမ်းတယ်။ အဲဒီနေ့ရက်ကတည်းက မနက်ဖြန် ဆိုတာ မရှိတော့တာပဲ။ နေ့တိုင်း နေ့တိုင်းက စိုးရိမ်ပူပန်မှုတွေ၊သတင်းမှားတွေ၊ အကြမ်းဖက် ဖြိုခွင်းမှုတွေ၊မလုံခြုံမှုတွေ၊အခွင့်အရေးဆုံးရှုံးမှုတွေ ပြည့်နှက်နေတာ။တနေ့ တနေ့ ကိုယ် ဘာတွေ လုပ်နေမိမှန်းကို မသိတော့ဘူး။ ည(၈) နာရီ သံပုံးတီးနေရတဲ့ တစ်ချိန်ပဲ စိတ်ထွက်ပေါက် ရတယ်။ရေရှည် ဒီအတိုင်းသွားနေရင် အနုစားစိတ်ရောဂါ ရမယ် ထင်တယ်။ ဂန္ဒီပြောတဲ့ စကားတစ်ခွန်းဖတ်လိုက်ရတယ်။ “စစ်လက်နက်တွေက ကျနော်တို့ ခန္ဓာကိုယ်ကိုပဲ သိမ်းနိုင်မယ်။ကျနော်တို့ရဲ့ စိတ်ဓါတ်တွေကိုတော့ မဖျက်စီးနိုင်ပါဘူး” တဲ့ ။ ဒီစကားအတိုင်းသာဆို နေ့ရက်တိုင်းမှာ စိတ်ညစ်ညူးနေလို့ မဖြစ်ဘူး။ နေ့တိုင်း ကျနော်တို့ ပူလောင်နေရရင် မသိစိတ်က အရှုံးပေးသလို ဖြစ်သွားလိမ့်မယ်။ ဒါကြောင့် ကိုယ့်ကိုယ်ကို ပြန်အားပေးဖို့ရယ်၊စိတ်ရှင်းဖို့ရယ် ဒီစာတွေကို ချရေးဖြစ်ပါတယ်။ သီချင်းများ ဒီ ဖေဖော်ဝါရီတော်လှန်ရေး တဝက်အကျိုးမှာ လူငယ်တွေထဲက တော်လှန်ရေးသီချင်းအသစ်တွေ ထွက်လာတယ်။ ကိုယ် နားမထောင်ရသေးတဲ့ သီချင်းတွေလဲ ကျန်ဦးမယ်။ နားထောင်မိသမျှထဲမှာ ကိုယ် အကြိုက်ဆုံး (နားထောင်မိရင် စိတ်ဓါတ်တက်ကြွတယ်လို့ ခံစားရတဲ့) သီချင်းတွေကို List လုပ်ထားတယ်။ ၁။ Zwe Thet Paing ဆိုတဲ့ Revolution Rap verse – သီချင်းတိုပေမယ့် စာသားတွေ ထိတယ်။ ဒါကြောင့် ကြိုက်တယ်။ ၂။ အလိုမရှိ ဆိုတဲ့ သီချင်း ။ သီချင်းအဖွင့်ထဲကကို သံပုံးတီးသံတွေနဲ့ စထားတာ။ နားထောင်နေရင်း စည်းလုံးလာတယ် လို့ ခံစားရတယ်။ အမေစု ကို ရည်ရွယ်ဆိုတဲ့ စကားလုံး ပါတော့ လူတိုင်းအတွက်တော့ အံကိုက်မယ့် သီချင်း ဖြစ်မနေဘူး ထင်တယ်။ ဒါပေမယ့် လက်တလောမှာတော့ Motivational song ဆန်တာက ဒီတစ်ပုဒ်ထဲ ရှိတယ်လို့ ခံစားရတယ်။ သွေးသစ္စာ တို့ဘာတို့ကျ အရင်ရှုံးခဲ့တဲ့ တိုက်ပွဲက သီချင်းတွေဆိုတော့ ဆိုသာဆိုနေရတယ် ။ အားသိပ်မရှိဘူး။ ဒါကြောင့် ဒီ ‘အလိုမရှိ’ သီချင်းကိုတော့ တော်တော်ကြိုက်နေတယ်။ သီချင်းစာသားပါ အမှတ်တရ တွဲတင်ထားလိုက်မယ်။ ၃။ Revolution song – ဒီသီချင်းက လမ်းမပေါ်မှာ သံစုံတီးဝိုင်းနဲ့ ဆိုတာကနေ ပိုကြိုက်လာတာ။ တနေ့နေ့မှာ ဓီရာမိုရ် ရဲ့ တီးဝိုင်းကြီးနဲ့အတူ အမျိုးသားကဇာတ်ရုံလိုမျိုးမှာ ဒီသီချင်းကို အောင်မြင်ခြင်းအထိမ်းအမှတ် ပြန်နားထောင်ချင်တယ်။

Midnight Thought 4

မကြာခင် ၂၀၂၀ ကုန်ပီး ၂၀၂၁ ကို ရောက်တော့မယ်။ Year Reflection ရေးစရာ ရှိပါ့မလားတွေးရင် ဒီစာကို ရေးဖြစ်တာ ။ တနှစ်တာ သင်ယူဖြစ်ခဲ့တာတွေ – Google App Script Office Automation ပိုင်းအတွက် စရေးဖြစ်ခဲ့တာ ။ Dr.Thuta Chatbot မှာ ည(၈)နာရီတိုင်း ပို့ရတဲ့ message တွေအတွက် automate ဖြစ်အောင် လုပ်ရင် V1/V2 ၂ မျိုး ထုတ်နိုင်ခဲ့တယ်။ အရမ်းကြီး စိတ်တိုင်းကျတဲ့အထိ (Code က Copy-Paste – Modify အဆင့်ပဲ ရှိတာမို့) မဖြစ်ခဲ့ဘူး။ Javascript အခြေခံမရှိတာကြောင့်လဲ ပါမယ်။ UI/UX – bootstrap အပိုင်း အစ လေ့လာနိုင်ခဲ့တယ်။ PowerBI Online Scholarship တခု ရခဲ့တယ်။ အကြောင်းအမျိုးမျိုးကြောင့် ပီးအောင်တော့ မတတ်ဖြစ်ခဲ့ဘူး ။ သာမန် Dashboard တစ်ခုတော့ ကောင်းကောင်းဆောက်နိုင်ပီလို့ ထင်တယ်။ Pcode ကောင်းကောင်း သုံးတတ်ပီ ။ >.< DAX , M query တွေကိုတော့ beginner level သုံးနိုင်ရုံပဲ ရှိသေးတာ ။ Python၂၀၂၀ နှစ်ကုန်ခါနီး (after August) လောက်မှာမှ အသည်းအသန် ပြန်ရုန်းဖြစ်ခဲ့တယ်။ အားရတယ်။ ကိုယ့် level ကို ကိုယ် သိလာတယ်။ OpenCV အခြေခံပီး OCR Project လေးတခု ကိုယ့်ဘာသာ ရေးဖြစ်ခဲ့တယ်။ Tesseract မြန်မာစာ အရမ်းမကောင်းတော့ result တော့ အားမရဘူး ။ ဒါကိုတော့ 2021 ထဲမှာ Version အသစ်တခု လုပ်နိုင်အောင်တော့ ကြိုးစားရမှာပဲ ။ မြန်မာစာအတွက် Table OCR ရသွားရင် တော်တော်အပြောင်းအလဲ ဖြစ်မှာ။ DEDC ကို ကူရင်းနဲ့ Coursera study group (Data Science Track) ကို Tutor ဝင်လုပ်ပေးဖြစ်တယ်။ ကိုယ်ကိုယ်တိုင် က DS မှာ beginner ဆိုတော့ အခြားသူကို ပြန်သင်ပေးဖို့ တော်တော်ခက်ပါတယ်။ ဒါပေမယ့် သူများကို

Window တွင် Git ကို Install ပြုလုပ်နည်း

၁။ https://git-scm.com/downloads Link ကို သွားပါ။ အောက်ပါ ပုံအတိုင်း မြင်ရပါလိမ့်မယ်။   အဆင့်(၁) ၂ ။ Download 2.29.2 for Windows ဆိုသည့် စာသားကို နှိပ်၍ exe file ကို download ရယူပါ။ အောက်ပါ ပုံအတိုင်း ပြပါက Download ရယူနေပီ ဖြစ်သည်။   အဆင့်(၂) ၃။ Download ပီးသည့်နောက် ရရှိလာသည့် Exe file ကို click နှိပ်၍ ဖွင့်ပါက အောက်ပါအတိုင်း မြင်ရမည်။ Next ကို နှိပ်ပါ။   အဆင့်(၃) ၄။ ထို့နောက် အောက်ပါအတိုင်း မြင်ရသည့် ပုံတွင် default အတိုင်း ဘာမှ မလုပ်ပဲ Next ကို ဆက်နှိပ်နိုင်သည်။ သို့မဟုတ် မိမိ စိတ်ကြိုက် ပြင်ဆင်လိုပါကလဲ လိုအပ်သည့် checkbox များကို ရွေးချယ်နိုင်ပါသည်။   အဆင့်(၄) ၅။ ထို့နောက် ထပ်မံတွေ့ရသည့်  ပုံတွင် dropdown option ကို နှိပ်၍ မိမိ ကြိုက်နှစ်သက်ရာ Code Editor Software (ဥပမာ – Notepad++ ,  Sublime Text , Atom စသဖြင့်) ကို Git default editor အဖြစ် သတ်မှတ်နိုင်သည် ။ ယခု ကျွန်တော့်အနေဖြင့် Visual Studio Code အသုံးပြုသူ ဖြစ်သောကြောင့် VSC ကို default အဖြစ် သတ်မှတ်ထားပါသည်။   မိမိ နှစ်သက်ရာ ကို ရွေးချယ်ပြီး Next ကို နှိပ်ပါ။   အဆင့်(၅) ၆။ Git Default branch name အတွက် ရွေးချယ်ရပါသည်။ မိမိ့အနေဖြင့် Company/Team အလိုက် git ကို အသုံးပြုရခြင်း မရှိပါက Let Git decide ဆိုသည့် option ကိုသာ ရွေးချယ်သင့်သည်။ Next ကို နှိပ်ပါ။   အဆင့်(၆) ၇။ Recommended ပေးထားသည့် ဒုတိယ option – Git from the command line and also from 3rd-party software ကို ရွေးချယ်ပီး Next ကို နှိပ်ပါ။   အဆင့်(၇) ၈ ။ Use the OpenSSL library ကို ရွေးချယ်၍ Next ကို နှိပ်ပါ။   အဆင့်(၈) ၉ ။ မိမိ သည် လက်ရှိ Windown (7/8/10) OS ကို အသုံးပြုနေသူ ဖြစ်ပါက အောက်ပါပုံအတိုင်း ပထမဆုံး recommend option – Checkout Windos-style ကို ရွေး၍ Next ကို နှိပ်ပါ။   အဆင့်(၉) ၁၀ ။ Use Windows’ default console window ကို ရွေး၍ Next ကို နှိပ်ပါ။   အဆင့်(၁၀) ၁၁။ Default ကို ရွေး၍ Next ကို နှိပ်ပါ။   အဆင့်(၁၁) ၁၂။ Git Credential Manager Core ကို ရွေးချယ်၍ Next ကို နှိပ်ပါ။   အဆင့်(၁၂) ၁၃။ အောက်ပါ ပုံရှိ မူလအတိုင်းသာ ရွေးချယ်ပြီး Next ကို နှိပ်ပါ။   အဆင့်(၁၃) ၁၄။ Install ကို နှိပ်ပါ။   အဆင့်(၁၄) ၁၅ ။ အောက်ပါပုံအတိုင်း ပြနေလျှင် Git ကို install ပြုလုပ်နေပီ ဖြစ်သည်။   အဆင့်(၁၅) ၁၆ ။ နောက် ထပ်မံ ဖော်ပြမည့် Git configuration process များကို ဆက်လက် ပြုလုပ်လိုပါက Launch Git ကို select မှတ်နိုင်သည် ။ Finish ကို နှိပ်ပီးသည့် အခါ Git ကို သင့်၏ laptop တွင် အောင်မြင်စွာ install ပြုလုပ်ပီးပါပီ ။   အကယ်၍ အထက်တွင် ကျွန်တော် ဖော်ပြခဲ့သည့်အတိုင်း Launch Git ကို select မှတ်ခဲ့ပါက အောက်ပါပုံအတိုင်း command line interface ပွင့်လာပါမည်။ ဆက်လက်လုပ်ဆောင်ရမည့် အရာများကို ဆက်လက်ဖော်ပြပါမည်။ နောက်ဆုံးအဆင့် ။

Midnight Thought <2>

ဒီ ဘလော့ပေါ်မှာ စာမရေးဖြစ်တာ ကြာပါပီ ။ ဒီအတိုင်း Depression နဲ့ဆိုင်တဲ့ အကြောင်းတွေ လျှောက်ဖတ်ကြည့်ရင်း ‘tell about it’ ဆိုတဲ့ အကြံပေးချက်ကို တွေ့လို့ ဒီအတိုင်း ဘလော့ လျှောက်ရေးတာ။ ဆရာကိုတာ ရဲ့ ဇင် စာအုပ်ထဲကလိုဆို Zen Diary လို့ ပြောရမလားပဲ ။ မစဥ်းစားပဲ ဦးနှောက်ထဲကို ဝင်လာသမျှ စာကြောင်းတွေကို ကောက်ခြစ်ရေးတာမျိုး ။ (စာရေးဆရာတယောက် ၏ မှတ်စုများ – စာအုပ်ထဲက ဖြစ်မယ်။ ပြီးခဲ့တဲ့ သြဂုတ်(၅) မှာပဲ အသက် ၂၅ နှစ် ပြည့်တယ်။ အဲလိုတွေးလိုက်ရင် ပိုစိုးရိမ်စိတ်များတယ်။ ဒီလထဲမှာလဲပဲ အခုငှားနေတဲ့ အိမ်မှာ ကိုယ်တစ်ယောက် ထဲ ဖြစ်သွားခဲ့တာ ။ ဖေကြီး က မန္တလေးကို ပြန်ပြောင်းသွားခဲ့တာဆိုတော့ ။ အရင်တုန်းက သားအဖ နှစ်ယောက်ဆိုတော့ စကားမပြောဖြစ်ရင်တောင် အိမ်ပြန်လာတိုင်း နွေးထွေးတယ်။ အဖေ ရှိတယ် ဆိုတဲ့ အသိ က ဘာပဲ ပြောပြော အထီးကျန်မဆန်ဘူးလေ ။ ဒီလမှာ တော်တော်ယောင်သွားသလို ခနခနလဲ စိတ်ဓါတ်ကျမိတယ်။ အသက် ထိပ်စီး/နောက်စီး ဂဏန်းတွေ ပြောင်းတာကလဲ ညသန်းခေါင် ခပ်နက်နက်မှာ ရှေးဟောင်းနာရီကြီးထဲက လက်တံ လည်သလိုပဲလေ။ ရပ်တန့်မသွားတော့မှန်း သိတယ်။ ဘယ်လို တိုးတက်အောင် ပြုလုပ်ရမလဲ ဆိုတာ မသိတာ ။ တနေ့တနေ့ ငါ အလုပ်လုပ်နေသလား – ငါ ဘာတွေ သင်ယူနေသလဲဆိုတာ အမြဲမေးနေမိတယ်။ ဒါပေမယ့် အဲဒီမေးခွန်းတွေက အကောင်းဘက်ကို ဦးမဆောင်တာ ဆိုးပါတယ်။ ဟိုတရက်က နားထောင်ဖြစ်လိုက်တဲ့ Podcast တစ်ခု အကြောင်းလဲ ရေးချင်တယ်။ Apple Cofounder – Woz လား?